Ons bied opleidingskontrakte of vakansiewerk aan doelgerigte individue met ‘n behoefte om in die professionele veld van oudit en rekeningkunde ervaring op te doen. Tydens hierdie kontrakte word persone in opleiding blootgestel aan uitgebreide opleiding om sodoende praktiese ondervinding te verkry, wat insluit die uitvoer van statutêre oudits, belasting, sekretariële en rekeningkundige funksies, asook die gebruik van gevorderde tegnologie in ‘n ‘n papierlose omgewing.
Ons personeel is ‘n kritiese komponent van ons firma. Ons strewe daarna om opgeleide en toegewyde individue aan te stel wat uitblink in ‘n span. Ons personeel word deurlopend geëvalueer en bystand en ondersteuning word aan hulle gegee tydens hul leerkontrakte en studies. Voldoende studieverlof word ook toegestaan.
Sou u belangstel om vir ‘n opleidingskontrak of vakansiewerk by SDK Geoktrooieerde Rekenmeesters (SA) aansoek te doen, voltooi die onderstaande vorm en ons sal u binnekort kontak:
Faks of e-pos asseblief ‘n volledige CV, gesertifiseerde kopieë van akademiese resultate tot op datum en ‘n gesertifiseerde kopie van u Graad 12 uitslae na ons kantoor nadat die aansoekvorm ingedien is.
Faks: +27 21 975-6780
E-pos: info@sdkca.co.za |
